Flöskudagur til... Ööhhh...

Hrafnhildur var ekki fyrr komin heim frá Japan en hún ákvað að drífa sig í réttir. Það var lagið! Beinustu leið frá Tokyo, einhverri mestu stórborg heimsins og út í guðsvolaða rigninguna hér upp á okkar fögru landi ísa að smala fé. Það er skemmst frá því að segja að ég nennti ekki með.

Þess vegna sit ég hér við tölvuna, búinn að svara tölvuskeytum dagsins, þreyttur eftir vikuna að sötra bjór. Þetta hefur nú reyndar verið ágætis rispa. Ég henti mér upp á hálendið um daginn og fór beina leið þaðan til Boston (frábær borg!). Þar snæddum við Hrafnhildur ma. hjá Eric Brennan, meistarakokki á veitingastaðnum Exelsior.

Ég var ekki fyrr kominn heim þaðan en að ég byrjaði að æfa, ekki eina heldur tvær sýningar ásamt því að tala inn á einhverjar teiknimyndir og ilja ykkur Magna-aðdáendunum með ómþýðri raustinni (sem mér var nýlega sagt að sá ákaflega sexý! Ætli það virki vel á barnum? Lokaðu augunum elskan og segðu mér hvort þér finnist ég ekki sexý! Veit það ekki...)

Fleira í fréttum: Bjólfskviða, Factotum, On tha Road og slátur.

Akkúrat núan þarf ég einhvern til að nudda viskí inn í höfuðkúpuna á mér, alla leið inn í heilabörkinn.

Lifir FUGO-ið?

Hvurslagseiginlega er þetta. ER fúgóið bara að hrynja, menn rændir og kúgaðir, hvað er að gerast í heiminum.

Hvað er með FUGO er þetta samansafn uppskafninga og vatnspunga sem ekkert hafa fram að færa.... Nú er t.d löngu orðið tímabært að fara að ræða pólitík.... styttist í kosningar og ég veit að menn eins og Krummi eru æstir yfir Kaffibolla samstarfi vinstriaflanna. ( svo við tölum nú ekki um óæskilega ofstækismenn eins og hann Kolla "brönugras") Kátur Björn hefur vegið þungt að vinstrimönnum í skrifum sínum fyrir einhver annan ómerkilegan netmiðil.

Hvar er samstaðan... mannkærleikurinn og baráttugleðin..... sem einkenndi FUGO.....

.....Hefur síðasti bjórinn verið drukkinn...

....Mun FUGO lifa af..... eða verður það meðalmennskunni að bráð...

fylgist með í næsta þætti

Lögregluskýrslan

Ég fæ ekki betur séð en á myndbandinu, sem linkurinn hér að neðan vísar á þá, sé þar að finna mósgrísinn vera gefa skýrslu eftir dramtíkina í smáborgarahöllinni.


http://www.youtube.com/watch?v=gFhs-gDye2k

Mowsing Pig: The Crime Fighting Pig

Hollywood hefur ákveðið að gera stórmynd um átökin í Smáborgarahöllinni og mun myndin heita "Mowsing Pig: The Crime Fighting Pig". Fáum kemur á óvart að Russel Crowe mun leika Mósagrís en það er keppni milli Jessicu Alba, Kieru Knightley og Jennifer Aniston um að fá að leika Frú Mósa. Reyndar hefur hlutverk Frú Mósa aðeins verið aukið og verður hún shotgun blasting heroine í myndinni og Mósagrís verður forsetinn. Innbrotsþjófarnir hafa verið gerðir að geimverum og í staðinn fyrir að reyna að brjótast inn eru þeir að reyna að ná heimsyfirráðum. Samt sama sagan í meginatriðum.

Háskaleikur í Smáborgarahöllinni

Eins og allir vita ekki var Labour Day í gær sem gerði það að verkum að Mósagrís átti verðskuldað mánudagsfrí meðan sauðsvartur almúginn mætti til vinnu. Bara gott. Mósi vaknar hins vegar kl. 8:15 við einhvern skruðning og bölvar fíflinu í næsta húsi sem er endalaust að smíða og djöflast á óguðlegum tímum. Svo heyrist meiri skruðningur og Mósi spyr sína spúsu sem liggur þarna í rúminu við hliðina á honum hvort að þessi skruðningur sé nokkuð að koma úr þeirra eigin húsi....spennan magnast. Að lokum heyrist slíkur hávaði að Mósi er þess fullviss að þetta hafi komið úr hans eigin híbýlum og bölvar nú einhverri kattarskömm fyrir að hafa komist inn og fer á fætur til að athuga hvað þetta sé nú. Mósi skröltir á fætur klæddur forláta boxerum með litlum böngsum á og röltir fram ganginn og býður innbrotsþjófinum, sem er hálfur inn um gluggan í einu herberginu, góðan daginn. HVAÐ!!!!! Já, sæll og blessaður, það var gaur búinn að brjóta upp gluggan í einu herberginu og var búinn að skríða hálfur inn og annar beið útí garði þegar Mósi veður á þá. Allir vita nú hversu kraftalega og íþróttamannslega vaxinn ég er og hef því verið skelfileg sjón þarna hálfnakin ímynd appolons í bangsanærbuxum. Gaurinn panikkaði allavega, gaf frá sér píkulegt væl og stökk út um gluggan og þeir hlupu báðir úr garðinum. Mósi hrökk samstundis í drápsgír, hljóp hraðar en ég vissi að ég gæti hlaupið, út í garð og greip eina bareflið sem var við hendina og á eftir þeim út á götu. Bjarnarbræður stukku inní bíl og brunuðu af stað í bakkgír, beint á næsta bíl og Mósi rauk í átt til þeirra sveiflandi bareflinu eins og Conan the Barbarian. Rétt áður en ég komst til þeirra náðu þeir að rétta bílinn af og bruna út götuna og í burtu, en þó ekki það hratt að ég náði ekki bílnúmerinu þeirra, VZ-496 rauður Mitsubishi Colt. Það var þá sem ég fattaði að ég stóð útá miðri götu með bumbuna útí loftið, í bangsanærbuxum sveiflandi strákúst(sem var eina "bareflið" í garðinum) og minnti alveg örugglega ekkert á Conan the Barbarian.

Eftir að mér rann æðið fór ég inn og hringdi á Reykjavík's Finest sem voru ekki nema um 45 mínútur á svæðið. Löggan var reyndar lífsreynsla útaf fyrir sig. Fyrst komu þessar venjulegu löggur í búningum og kíktu og skoðuðu, sáu að engin hætta var á ferðum og að þetta væri nú ekki gabb. Þá mætti Gil Grissom sjálfur, beint frá Las Vegas. Akfeitur gaur með myndavél á bumbunni, tók myndir af öllu og leitaði af fingraförum. Já, ok, mér fannst soldið gaman að fylgjast með fingrafarasjittinu, þetta er nebbla alveg eins og í bíó. Svo kom Kojak sjálfur. Rannsóknarlögreglumaður í öllu sínu veldi, stærri og breiðari en Pétur Már, nauðasköllóttur með massíft rostunga yfirvaraskegg og ör sem fór yfir hálft andlitið. Spúkí gaur.

Nú er bara að bíða og vona að löggan vinni sína vinnu og nái þessum fíflum. Ef ekki þá veit ég hvað gaurinn heitir og hvar hann á heima og mun disha út smá mósísku réttlæti ef kerfið getur ekki sinnt sínum þegnum.

Pælið samt í heppni að þetta var Labour Day, annars hefði ég verið farinn í vinnuna og Helga hefði þurft að mæta hröppunum ein. Ok, reyndar hefði hún haft the ferocious Hrafnhildi sér við hlið.

Skemmtilegur auglýsingatexti

Ef kjarnorkusprengja spryngi yfir Reykjavík dæju allir bæjarbúar.

Hvað eru nú verið að auglýsa, jú stafsetningarorðbókina nýju á mbl.is.

Spes

Óbyggðin Ísland

Kanar eru bara snillingar. Ég rakst á þessa línu í umsögn um bíómynd sem var tekin hér á landi í fyrra: "...against the backdrop of a stunningly primal Icelandic landscape upon which no human had set foot in 800 years."