Veiðisaga
Grísinn sem mósar fór til Hvolsvallar um helgina að skjóta gæsir. Kolli kretín og gamla settið voru að sjálfsögðu með í för og var pabbi búin að tryggja okkur einhvern geggjaðan akur sem var alltaf svartur af gæs og engin nema læknirinn má skjóta á.
Við förum um morguninn, fjögur saman í kamógöllum, ca. 100.000 kall stykkið(með úlpum, vöðlum, vettlingum húfum og öllu). Öll vorum við með flottar hálfsjálfvirkar haglabyssur eða pumpur og ábyggilega um 500 skot saman. 50 gerfigæsum var plantað á akurinn í myrkrinu og tveim gerfiálftum for good measure. Ekkert skildi klikka, gæsirnar skildu sko allar láta gabbast af strategískt uppröðuðum gerfi-gæsunum og álftunum okkar og lenda beint fyrir framan byssuhlaupin og liggja í valnum í tugum ef ekki hundruðum.
Dude hvað þetta var misheppnað....það kom ekki eitt alminnilegt gæsaflug, skutum næstum einn helsingja, en klúðruðum sem betur fer því þeir eru víst friðaðir, ég lá óvart í kindakúk meginpart morguns og kolli sofnaði í akrinum og vaknaði kvartandi yfir verk í mjöðminni.
Tvær afskaplega óheppnar endur flugu yfir okkur og voru þær drepnar, ég reyndar skaut hausinn af minni(er ekki að ýkja, hausinn tættist af og lenti annars staðar) og var það heildarafli túrsins.
Upptalningin á búnaðinum var því gerð til að sýna hversu leim þessi túr var, allt þetta, búnaður og byssur fyrir ábyggilega hálfa milljón, 4 manneskjur í skurði í 7 tíma og afraksturinn er tvær litlar stokkendur.
Men hvað ég þarf að hefna mín á þessum gæsum fyrir að hafa mig að svona miklu fífli.....

Ég vill þakka Armandó fyrir þetta sérstaklega skemmtilega og líflega innlegg auk þess sem ég vil óska honum góðrar ferðar til útlanda. Auk þess vill pattinn benda Armandó á að vera ekki að drepa sig úr þunglyndi og bömmer yfir einhverju smá sprelli. Legg ég til að Armandó hlusti á pattan því eins og alþjóð veit er pattinn með eistarapróf í að gera sig að fíli á almannafæri ekki síst ef bakkus er með í för´
Það væri ekkert smá gaman að vera að fara til útlanda, en í staðin er ég bara kominn með kvef dauðans og er að fara að flytja á morgun( það er búið að fresta þ´vi einu sinni enn.) núna sit ég upp í skóla við stóra hlussulega borðtölvu að reyna að klára verkefni sem ég á að skila á fimmtudaginn, hér verð ég að hýrast þar sem harðidiskurinn í tölvunni minni er ónýtur og vég verð að bíða meðan nýr diskur er framleiddur af sveltandi börnum í angóla og sendur svo hingað í bögglapósti tilbuinn að bila enn á ný......
Pattinn kveður að sinni stefnir að því að vera fluttur næst þegar hann tekur innslag og þá get ég frætt lesendur mína um unaðsemdir þess að búa í vinnustofu í miðbænum.

Kveðja Pattinn

Í dag er mánudagur og það eina sem ég get sagt er að ég er afskaplega feginn að vera fara til útlanda í vikunni. Því þar mun ég ekki gert sjálfan mig að fífli fyrir framan skólafélagana næstu tvær helgar.....möööö.

Muu
Nú steypist enn og aftur yfir þjóðina áróður mjólkurfasismans.

Nú ætla ég ekki að æsa mig yfir því að við séum að leggjast á spena blásaklausra jórturdýra, lepjandi og tottandi það sem ætlað er ungviði þeirra, en ekki fullfrískum öpum.

Ég ætla heldur ekki að fjargviðrast yfir þeirri einföldu staðreynd að mjólk er ekki góð - hún er handónýtt vatnssull; sneydd öllum tilgangi og næringargildi eftir þá hrottalegu meðferð sem hún má sæta í því barbaríska framleiðsluferli gerileyðingar og fituhryðjuverka sem hér viðgengst.

Neinei. Það sem nú fer öðru fremur í mínar fínustu er heiti herferðarinnar: nefnilegast 'muu'.

Hvað í sterkúldnum dauðanum á það að fyrirstilla, merkja og segja okkur almúganum? Jújú, þessi sjálfumglöðu auglýsingameindýr vilja meina að slíkt sé opinbert tungutak íslensku kýrinnar.

Hvað varð um MÖ?!

Voru íslensku kýrnar svo önnum kafnar við að blóðmjólka sig ofan í okkar gapandi skrælingjaskolta að nauðsynlegt reyndist að ráða einhverjar útlendar katalóníubeljur í auglýsingarnar?

Já, 'muu' er spænska beinasnarnir ykkar, 'moo' er enska,
- og á íslensku segjum við MÖÖÖÖÖÖÖÖ!

Æ Æ þetta er nú ljóta vælið í öllum hérna(kemur úr hörðustu átt.ég veit) sit einmitt´hérna uppí skóla að vorkenna sjálfum mér útaf öllum þeim helvítis hellingi af verkefnum sém ég á eftir að gera fyrir jól. ég sé ekki fram á að það verði ein einasta helgi í frí frá þessu helvítis böggi. en það þýðir víst lítið að vera að æsa sig yfir þessu svona er þetta bara..... vinna og meiri vinna endalaust......svo þegar maður er ekki að vinna´þá er maður að læra og öfugt....hvað varð um saklausu dagana þegar farið var á djammið umhverja helgi og alltaf stuð.....ég verð nú að segja að ég er orðinn hálf pirraður á þessu. ég er t.d að fara að flytja á mánudaginn( best að nota tækifærið og hvertja alla sem vetlingi geti valdi að koma og hjálpa......þ´vi ef ég fæ nógu marga þá þarf hver bara að bera einn hlut þetta er ekki svo mikið....) anyways þá væri í raun praktískara fyrir mig að sleppa´því bara og setja dótið mitt í geymslu og sofa svo bara í einhverjum sófa hérna í skólanum .......ég er hvort sem er alltaf hérna........

við jói vorum eitthvað að ræða um að reyna að hittast félagarnir um helgina.....laugardag kannski.....sleikja sárin eftir föstudagskveld og fá sér kannski einn öl........?????

bara hugmynd...mér skilst að maður verði líka að reyna að lifa svolítið þetta er ekki bara vinna og leiðindi.

kveðja PATTINN

Íþróttir eru fyrir hálfvita
Grísinn sem mósar hrýnir hátt og skelfilega af óhamingju og sársauka. Einhver heimskur vinur mósandi gríssins ákvað að gabba saklausan grísinn með sér að leika. "Koddu með litli grís" sagði vinurinn "þetta verðum bara við og nokkrir gaurar í íþróttahúsinu að leika okkur í handbolta". Þetta hljómaði nú nógu sakleysislega svo að grísinn okkar lét til leiðast. But noooo......þetta var ekki nokkrir gaurar að leika sér, þetta var full fledged handboltaæfing, með fasistum til að stjórna manni og alles. Þetta var handboltalið Bifhárarastar sem er að fara að taka þátt í bikarmóti HSÍ og grísinn vissi ekki hvaðan á sig stóð veðrið.
Eftir mörg öskur "BAKKA", "TAKTU MANNINN"(það hljómar meira að segja gay), "ALLIR FRAM" og einhver fleiri aulagörg þá var greyið litla grísnum hætt að standa á sama. Grísinn gat að sjálfsögðu ekki farið, var fastur með þessum geðsjúklingum í rúman klukkutíma og svitnaði meira en hann hefur gert í mörg ár.
Að æfingu lokinni lá grísinn í blóði sínu á miðjum velli, var næstum búinn að gubba af áreynslu og fæturnir neituðu að bera hann lengra.
Nú situr okkar misnotaðai grís heima hjá sér, grátandi yfir harðsperrum, allir puttar eru slasaðir og honum er illt í bakinu.
Íþróttir eru fyrir asna og Grísinn ætlar sko ekki að láta gabba sig svona aftur.(nema náttla ef lið Bifhárarastar verður dregið á móti KA eða Haukum í bikarkeppninni, það væri soldið kúl að láta buffa sig af þeim)

Huh
Það er greinilega mikið að gera frá fugo liðum þessa vikuna því ekkert hefur heyrst í mönnum síðan á laugad. Sjálfur hef ég ekkert að segja nema að litið var á Tröllið í höfuðstöðvum frampotsins í gær. Hann var að ágætlega hress en þó virðist smjaðrið mun gera út af við hann áður en að kosningum kemur. Nei, nei hann hafði það fínt en skyndibitin var að fara með hann. Annars allt gott að frétta úr VR , vonandi hef ég eitthvað skemmtilegt að segja eftir föstud.... enda er ég svo fjandi leiðinlegur edrú.