Sælir litlu maurar.
Þetta var massív helgi, og verður morgundagurinn ekki síður massívur. Á laugardaginn síðasta fékk ég formlega titilinn Viðskiptalögfræðingur. Það er svosum ekkert merkilegt, nema náttúrulega að því leyti að núna er ég langt yfir ykkur hafinn og ef þið ætlið að ávarpa mig þá verðið þið að kalla mig "Herra" eða "Yðar tign" því að þið eruð maurar en ég er Viðskiptalögfræðingur.

Mánudagurinn(í dag) er ekki síður merkilegur en litla prinsessan okkar Helgu var nebbla skírð í dag og fékk nafn. Litlan heitir Hrafnhildur Haraldsdóttir, en ef þið ætlið að ávarpa hana þá verðið þið að kalla hana "Lafði" eða "Greifynja" því að pabbi hennar er Viðskiptalögfræðingur en þið eruð bara maurar.

Dúd hvað ég er samt soldið kvíðinn, en hlakka samt smá til, fyrir morgundaginn því þá er ég að mæta í vinnuna í fyrsta skipti. Mér finnst það satt að segja soldið svindl að ég þurfi að fara að vakna snemma og mæta í vinnu og svoleiðis bull því ég er búinn að vera svo lengi í chilli með Hrafnhildi litlu(venja sig á að nota nafnið), og auk þess er ég Viðskiptalögfræðingur og ætti ekki að þurfa að mæta til vinnu eins og venjulegur maur.

NNNNNOOOOOOOOOOOOOOOOOOHHHHHHHHHHHHHH

krumminn út úr húsi..........spurning um að kalla á landlækni og athuga hvort það sé þorandi að sleppa svoan sveppi í óspillta nátturu landsisn.

Til hamningju með þennan merka áfanga...... ég verð þvímiður að afboða mig í bjórsulll á föstudaginn þar sem ég er að lesa fyrir endurtekt.... karl faðir minn hefur farið að kalla mig aftur indiánanafni því er hann gaf mér "Reyniraðnáprófum" ..... Ég væri reyndar hugsanlega fáanlegur til að gera eitthvað í tenglsum við Júróvisíon.. en eftir að ég sá undankeppnina þar sem öll slavnesku panflautulögin, sem innihéldu súkkulaðibrúna sultuhomma í magabolum að væla eitthvað komust áfram...... eina sem ég er sáttur við er að úkraínska kjarnakonan Ruslana komst áfram með loðfeldabúggíinn sinn......

....Hjálp óskast..... næstkomandi helgi 21-23 mái.. stendur Pattinn í stórræðum... þannig er nú mál með vextiað hann er fara að flytja á Njálsgötuna... en mér til mikillar skelfingar er íbúðiun svona í subbulegri kantinum þannig að ég verð að taka tilhendinni.... mála.... Þvo glugga og svona stuff..(tjellingarnar sjá um almenn þrif...kallar mála og drekka bjór.) Stefnan er sem sagt að mála og flytja inn .... keypt verður öl og óskað er eftir aðstoð aflögufærra manna... allir hvattir til að koma og mála einn vegg...(ég væri nú sennilega fljótastur að mála þetta allt sjálfur.... en það er skemmtilegra að hafa selskap ... tekur örugglega enga stund ef þetta er gert svona...... þannig að endilega mæta í aksjón.. á Njálsgötunni .....

..... Ps vanur glugga þvottamaður óskast einnig til starfa......

....Með von um skjót viðbrögð ....

XXX Pattinn

Vá hvað þið eruð allir steingeldir kúkalabbar, hvað varð eiginlega um ykkur hér á vefnum?

Þess má geta að ég var að enda við að prenta út BS(skamstöfun á BullShit)ritgerðina mína. Þeim merka áfanga langar mig að fagna með bjórsulli(já, ég ætla útúr húsi)og mig vantar með-sullara, er einhver geim?

Sælir kumpánar
Ég og Kolli og tveir aðrir froskar, Sindri og Tóti, fórum í veiðiferð í gær. Þar sem þetta var nú fyrsta veiðiferð sumars þá var töluverður hugur í mönnum og menn tóku allar sínar bestu flugur og stangir og dressuðu sig upp í vöðlur og veiðigalla í fullum felulitum, nú átti sko að sýna fiskunum í elliðavatni í tvo heimana!
Við Kolli mættum í hífandi roki og hitivar við frostmark, en hei, við látum ekki veður spilla góðri veiði. Kolli dró upp flugustöngina sína við bílinn(já, hann á tvær) og hnýtti flotta púpu á endann og skellti bílhurðinni á stöngina. Stöngin fór í tvennt og það komu margar hýenulátursgusur frá viðstöddum. Ein stöng farin og við ekki byrjaðir að veiða.
Eftir að Kolli var búinn að þerra tárin þá dró hann upp hina flugustöngina sína og passaði að halda henni frá bílhurðinni og við komumst útí vatn með heilar stangir. Við reyndum að kasta uppí 22 metra á sekúndu og mér meira að segja tókst að koma flugunni um 2 metra frá mér, í gegn um snjó og vind(já, það var farið að snjóa á okkur).
Þá birtast Tóti og Sindri, veiðifélagar dagsins. Tóti er náttla nýliðinn í hópnum og var með splunkunýtt veiðistöff, nýjar mittisvöðlur(hahahaha) og fokdýra flugustöng úr rúmfatalagernum. Tóti og dindill fóru að kasta og eftir um kortér var Tóti farinn að gráta. Við tékkuðum á hvað var að og viti menn, spánýja flugustöngin hans var brotin, hún brotnaði uppúr engu í öðru kasti. Hver hefði trúað því að veiðistangir úr Rúmfatalagernum væru ekki top-notch? Anyways, hálftími liðinn og tvær stangir brotnar.
Eftir að við vorum búnir að stríða Tóta í smá stund fór hann aftur að gráta og hringdi í konuna sína til að klaga og lét hana sækja sig. Við hinir sem eftir vorum létum mótlætið ekki á okkur fá og færðum okkur um stað þar sem var aðeins meira logn. Við fórum að kasta eins og herforingjar og urðum meira að segja varir við fiska og þetta fór nú að verða spennandi. Ég var í miklu stuði og var handviss um að veiða fisk þegar ég heyri að Kolli er aftur farinn að skæla við hliðina á mér. Hann stóð útí vatni uppað mitti með brotna stöng og grét eins og lítill grís. Ekki veit ég hvernig hann kretaði þessu svona gjörsamlega, en allavega þá var staðan orðin eftir um einn og hálfan klukkutíma í veiði: þrjár stangir brotnar, enginn fiskur og helmingur veiðifélaga grátandi.
Við ákváðum að snúa heim eftir þessi átök, enda var vatnið farið að leggja og við vorum ekki með ísborunargræjurnar okkar.

Dúd hvað þetta var krappí veiðiferð og fer hún í annála Vonlausa Veiðifélagsins sem Vonlausasta Veiðiferð allra tíma.