Til hamingju með daginn Tunga!

Eins og flestum er kunnugt var dagur íslenskrar tungu er haldinn hátíðlegur víða um heim í dag, 16. nóvember.
Í Miðgarði í New York söfnuðust yfir 40 milljónir Vestur-Íslendinga saman og hlýddu á upplestur á heildarverkum Einars Bárðarsonar.

Svipaður fjöldi var samankominn á fundi Austur-Íslendinga í Kænugarði þar sem Halli úr Halla og Ladda tróð upp og las ljóð eftir Birgittu Haukdal.

Um 400.000 manns komu svo að venju saman á kyrrðarstund við síkið í Kaupmannahöfn, hinstu gröf Jónasar Hallgrímssonar, og minntust þess þegar konungur Dana lét skera úr honum tunguna og varpa þar ofan í - eftir að hafa þurft að hlýða á skáldið lesa stutt brot úr Gunnarshólma.