Jólunum aflýst en gyðingar taka gleði sína á ný!

Íslendingar hafa ákveðið að halda ekki jól í ár! Þess í stað ætla þeir að slást í hóp þeirra u.þ.b. 14 milljóna sem halda hina gyðinglegu ljósahátíð Hannukkah hátíðlega víða um heim. Þessi hátíðahöld rekja rætur sínar næstum því 2400 ár aftur í tímann og þar af leiðandi hljóta þau að vera merkilegri en jólin (komm onn, jólin eru ekki nema 2000 ára gömul í mesta lagi!).

Þessu til staðfestningar hafa þúsundir Íslendinga drifið sig í IKEA (mekku alls sem er sænskt) og keypt sér aðventuljós í hvern glugga! Þetta rennir reyndar stoðum undir þá kenningu mína að gyðingdómurinn sé í raun og veru sænsk uppfinning. Þetta er nokkuð sem má lesa frekar um í lítt þekktri sjálfsævisögu Knut Hamsun: Hvorfor jeg hatar Svenskarna. Bókin var gefin út í litlu upplagi árið 1949, þremur árum fyrir dauða Hamsuns og hefur aldrei komið út utan Noregs. Fróðir menn vilja meina að Hamsun hafi verið mjög argur út í Svíana fyrir það að veit sér ekki annan Nóbel fyrir þessa bók, en af titli bókarinnar og umfjöllunarefni að dæma þá getur maður varla undrast.